ازاى تخلى جوزك صديقك واخوكى وحبيبك وابوكى وجوزك

شوفوا يابنات الفكرة انك تقربى من جوزك

 بأكتر من شكل يعنى هى معادله صعبه وسهله فى 

نفس الوقت لكن مش مستحيله على القمرات

 اللى زيكوا
طيب وياترى دا هيحصل ازااى 

الاكيد انه مش هيحصل بين يوم وليله

 او فجأة كدا بدون مقدمااات

 لاء الموضوع عايز سياسه وصبر طيب

 بس بردو ازاااى انا هقولكوا

بداية كدا يا فتوكات لازم تخلى حياتك ماشيه على شويه 

مبادئ لو خالفتيها اعرفى انك هتقعى

 فى مشكله انتى فى غنى عنها
بصى ياقمر

** الراجل عموما مبيحبش سياسه المراقبه والتحقيق

 ووكيل النيابه اللى بيبقى مستنيه فى البيت ومبيجيش 

بالطريقة دى وهتكون النتيجة العند وتكبير الدماااغ لو 

هتمشى معاه على النظام دا

** لازم تفهمى يعنى ايه حوار ومناقشه بهدوء

 وازاى تستخدمى سياسه الشد والجذب فى الحوار 

وامتى تهدى النقاش وتحوليه لصالحك لو كان هيتقلب 

ضدك طب ودا هيكون ازاااى ياترى

- اختارى الوقت المناسب الى تحبى

 تتكلمى فيه مع زوجك 

- من معاشرتك لزوجك هتقدرى تفهمى امتى مزاجه 

يسمح للكلام وامتى ميسمحش

- لازم تبقى عارفه ايه الامور اللى جوزك بيسمحلك 

تدخلى فيها وايه الامور اللى بالنسباله عليها خطوط حمرااا 

طيب ما ممكن حد يقولى دا جوزى

 وادخل فى كل حاجه تخصه هقولك

 لاء يعنى مثلا أهله دول بالنسباله فى اول القايمة

 يعنى خطوط حمرا حمرا يعنى مش الواان يعنى ما يوم تتكلمى فى اى موضوع يخصهم

 هتتكلمى بحرص شديد اووووى

حتى لو هتتكلمى بالخير ولان كلامك ممكن يرتبط فى 

ذهن زوجك بالغيبه والنميمة لو هتتكلمى

 عن حد من عيلته فدا بالتاكيد مش فى صالحك ابدااا

- لازم تبقى فاهمه الراجل مبيحبش حد يفصله

 او يخرجه من المود اللى هو منسجم فيه

يعنى مش يبقى قاعد بيضرب كوباية شاى

 ومتابع اخبار على التى فى وانتى تيجى

 تسردى عليه بكل براءة مشاكل يومك ومشاكل الاولاد

طيب بردو مفهمناش ازاى اخليه زوج واب وصديق واخ

اعرفى ياقمر انك لو بداتى بالكلام مع جوزك وبداتى 

تفتحيله قلبك هو كمان هيعمل كدا لانه هيرتاح فى الكلام 

معاكى وهيحب يسمع رايك زى ما بتسمعى رأيه وهكرر 

تانى الاهم فى الموضوع

 تختارى الوقت المناسب اللى تتكلمى فيها واسلوب حوارك معاه

• جوزك هيبقى ابوكى لما تدورى جواه على حنان الأب

 ونصيحة الاب لبنته طيب عارفه دا هيحصل ازاى لما 

تكونى مثلا محتارة فى موضوع او فى مشكله معينه 

وتروحى تناقشيه بهدوء وتاخدى منه النصيحة تقومى 

تقوليله عارف انك فكرتنى بوالدى

 كان بيقولى كدا قبل ما اتجوز وانا صغيرة

او قالى كدا فى مرة فعلا انت بابا وجوزى

 وحبيبى وكل دنيتى ربنا يخليك ليا

يبقى انتى كدا طبعتى فى ذهن جوزك

 انه قادر يكونلك الاب قبل ما يكونلك زوج 

والموضوع هينعكس وتبقيله انتى كمان الام

اللى بتخاف عليه وتديله النصيحة بدون مقابل

• جوزك هيبقى صديقك لو اعتبرتيه فعلا الصديق

 اللى بتحبى تحكى معاه فى كل حاجه تخصك

لذلك ف انتى دايما فى قاعده صفا لو حابه

 تتكلمى معاه قبل ما تدخلى فى موضوعك

 قوليله ياكذا مش احنا صحاب طبعا هيرد عليكى

 ويقولك اه طبعا فى ايه وتبدئى تحكى معاه

وافهمى كويس انك حتى لو بتتكلمى فى مشكله

 ممكن تزعجه هترجعى تفكريه وتقوليله

 انا قولتلك اننا صحاب وبالتالى هو هيتحكم

فى انفعاله وهيبدأ يهدى ويتناقش

 وللمرة التانيه انتى كسبتى جوزك كصديق

 ومرة مع مرة هيحب انك تحكى معاه

 ولو لاقاكى مضايقة هييجى يقولك فيكى

 ايه اتكلمى مش احنا صحاب !!

والموضوع هيحصله زى عملية تبااااااااادل

 وهيوصل لجوزك الاحساس

انك تنفعى تبقى صديقة ليه

وهتبقى اول شخص يلجأله

 بس المهم انتى تبدئى الخطوة

عشان تلاقى النتييجة

• جوزك هيبقى اخوكى امتى طيب انا اقولك ..

 ببساطة شوفى اخوكى بتهزرى معاه ازاى

 وتغلسى عليه ازاى وتحكى معاه ازاى

 وامتى بتخافى عليه وبتزعلى منه

 واعكسى الموضوع على جوزك

 وهتلاقى المسافات بينكوا بتقرب اوووى

 بدل ما كانت بعيدة وبالتالى مبروك عليكى

 جوزك للمرة التالته بقى اخوكى كمان

• جوزك هو حبيبك بس لازم الاحساس

يوصله بشكل مباشر وغير مباشر 

طب ازاى دا يحصل

شوفى ياقمر

- لازم جوزك لما يبص فى عينك يعرف انك بتحبيه 

-لازم جوزك لما يلاقى منك تصرف معين

 يحس فعلا انك بتحبيه مش بتأدى واجب وخلاص

-لازم جوزك لما يسمع منك كلمة حب

 يحسها فعلا خارجة من قلبك

-لازم جوزك لما يشوف

 منك رساله على الموبايل

 وهو فى شغله يحس فيها انك فعلا محتجاله

 وان هو دا حبيبك الى خرجتى بيه من الدنيا 

-لازم كل تصرفاتك يكون فيها حب يوصله لان الراجل

 بيحب الحنيه وبيكون ضعيف قدامها

تفتكرى لو وصله كل الحاجات الحلوة

 دى هيبقى شكله ايه وحياتكوا هتبقى شكلها ايه؟؟؟؟

• طيب جوزك بقى هيبقى جوزك بمعنى الكللمة

 ازاااااااى
دا من خلال انك تحسسيه برجولته

وانه قادر يبقى راجل البيت بعد ما كان

 واد فرفور خارج كل يوم مع صحابه

 بس مش معنى كدا انك تشيليه

 الهم على الفاضى والمليان لاء حاولى

تاخدى الحياة كأنها كتاب او رواية يوم مع البطل

 ويوم ضده يعنى يوم يبقى فى رفاهيه

وراحة بال ويوم فيه مسؤليه ومشاكل اهم حاجه

 تبعدى عن الروتين عشان جوزك ميقولش فين ايام 

العزوبيه

سيبى جوزك يتصرف كأنه لسه الواد الفرفور

بتاع امبارح يخرج ويغير جو ويسهر بس طبعا فى

 حدووود يعنى لو عملها مرة ولا مرتين فى الاسبوع

 ولا حتى تلاته مش قضيه

 المهم يرجع مشتاق ليكى ولبيته مش يرج

 يقول يارتنى مرجعت !!

 وبكدا انتى بتكسبيه والله مش بتخسريه

 وعن تجربة والله يابنات

وخلى فى اعتبارك دايما ان اغلبيه الرجاله

 بيزهقوا من قاعدة البيت مش زينا ابدااااااا

 احنا ممكن نقعد بالشهر منشوفش الشارع

انما الراجل استحاله