الأحد، 17 يونيو، 2012

مواقف مضحكة للعرايس ليلة الدخلة.......ج2







الحكاوى على لسان العروسة


انا يوميها صحيت الصبح تعبانه جداا 

من يوم الحنه والرقص اللي رقصناه 

وكنت مش قادره اكل خالص ورحت الكوافير

واللي عليا اشرب ميه بس

وكل شويه اختي تروح تجبلي عصير لاني هبطت جامد

بس وقربت اخلص والكوافير بيظبطلي شعري وخلاص

جوزي قرب يوصل 

وانا هموت وادخل الحمام 

والحمام في الدور اللي فوق

واختي قالتلي 

خلاص العريس جه انت لسه هتعطلينا يالا احنا متأخرين

اقولها احنا لسه هنتصور والقاعه بعيد

تقولي بطلي شغل عيال

وركبت العربيه

واتصورنا

واحنا في الطريق الي القاعه مش قادره استحمل

طب اعمل ايه؟؟


هعيط مش قادره واختي ربنا يسامحها

والاظرف عمتي وجوزها كانوا معانا يقوموا يوقفوا العربيات كلها

ويعزمونا علي حاجه ساقعه

قال هيا ناقصه

ومقدرتش اشرب وقولت لأخويا لان هو اللي كان سايق 

طير لحد القاعه ومتقفش ابدا لاني هعمل كارثه في العربيه

وخلاص بينا وبين القاعه يادوب 3دقايق 

جوزي يجيله تليفون 

اتأخروا شويه لان اخواتك وقرايبك لسه مجوش

هتتزف لوحدك؟؟؟

وانا بعيط مش قادره استحمل 

قلت لاخويا اتصرف

قاللي اركن وتعملي في الشارع ونحجز عليكي؟؟؟

قلتله مليش دعوه شوفلي مكان قبل ما اوصل

 وما ادراكوا بقه الزفه ودخله القاعه واسماء الله الحسني
شوفوا انتوا بقه 
ربنا هدانا ولاقينا مول لسه جديد يعني تحت الانشاء

بصراحه اخدت اخويا معايا خفت اخد جوزي يفهمونا غلط هههههههههه

واختي وعمتي وبنتها وطلعت اجري

والسيكيورتي يضحكوا علي العروسه اللي رافعه الفستان وبتجري
هههههههههههه

والحمد لله عدت 

بس لحد النهارده جوزي ماسكهالي

وكل لما نعدي جنب المول 

يقولي فاكره هههههههههههه


 العروسة التانية

ليله الدخله وبعد ما طلعنا اوضتنا نسيت اخد هدوم معاييا وانا باخد شاور

 وبغير فى التواليت اخدت الشاور وعايزة البس لقيت الصدمه 

معايا الفوطه الكبيرة بس 

مبقتش عارفه اعمل ايه خاااااااااااااالص وفضلت جوا نص ساعه

 وبعدين قولت لا  مبدهاش بقى لفيت نفسى بالفوطه وخرجت 


ولقيت البيه جوزى فى وشى واقف متنح مش مصدق الى انا عملاه 

اكيد من جواه يعنى كان بيقول عليا جريئه وهيعملى قضيه تحرش

 قالى ياعم ياجامد ايه القمر ده روحت جريت اخدت الانجرى

 وقلتله بلاش قله ادب انت دماغك مليانه قاذورات دور وشك

 وجريت على الحمام وهو بقى حب يغلس

 قام جه ورايا بسرعه واتزحلق وقع حته وقعه 

لغايه النهارده مش ناسى الموقف ده


العروسة التانية

انا بقي الوقف بتاعي ممكن يكون مقرف شوية هههههههههههه


زي العرايس بيشربوا لبن وكده انا مكنتش بحب اللبن نهائي

 المهم راح شاربهولي بالعافية وغصب واقتدار وعنيكوا متشوف الا النور

 طول الليل قرفانة وعمالة ارجع

وهو يضحك عليا ويقولي ايه هو انا لسة عملت حاجة عشانت تتوحمي 


ههههههههههههههههههه بس ربنا سترها الحمدلله الليله دي 
.

العروسة التالتة


يوم فرحي واحنا فالعربيه ورايحين عالقاعه

 اتشكلنا ولقيته خاصمني وانا كنت فرحانه قوي

 ان احنا اتخاصمنا قولتله الفرج جه من عند ربنا بالخصام ده

 راح قالى لا خلاص هنتصالح انهارده بس ونتخاصم بكره ههههههههههه

ليه ياخواتى عاوز منى ايه انهارده انا معرفشي،

و طول ما انا كنت فالقاعه كنت برقص وبهيص وناسيه ان ده فرحى اصلا

واول ما كنا خلاص هنروح عالشقه لقيت رجلى بتترعش ومش عارفه احركها

 وكنت ماسكه في ايده وهو زي اللى بيشدنى ما انا اصلا كنت مصدومه

 ان خلاص هنروح شقتنا انا وهو ،ولما روحنا الشقه ومامتى ومامته روحو قعدت 

افك فى دبابيس الاسبانش وهو يفك معايا اصلهم كانو حاطين دبابيس كتيره قوي

 بس احسن حاجه الكوافيرات عملوها والله الدبابيس الكتيره دي اهو

 وقت يعدي شويه لما استوعب ان انا اصلا اتجوزت

 وكل مايقولى خلاص معدشي دبابيس اقوله لا لسه

ويشل ياعنى طلعت عينو وبعدين شعري برضه كان مليان دبابيس

ويشيل وانا اشيل واختى قالتلى قبل ماتمشي يابنتى اشيلك الدبابيس

 وانا اقولها لا علشان اضيع وقت شويه وكمان اطلع عينه

وفعلا ياعينى طلع عينه في شيل الدبابيس

،وانا بقى هاتك ياعيط وهو يهديكى يرضيكى بلاش عياط

 وانا ابدا هعيط يعنى هعيط ،

اخدت شاور وصلينا وهو اكل لانى اصلا قاعدت لتانى يوم ماكلشي

،وبرضه ان ابطل عياط ابدا ،

والاخر قالى هدي اعصابك ونامى وسابنى ونام

 وانا من كتر عياطى طول الليل لقيت نفسى خلاص مش عارفه اتنفس

 وزي اللى اغمى عليا والواد ياقلب امه اتخض عليا جامد

وقعد يفوق فيا ويشربنى مايه وعصير وفضل قاعد جنبي لحد ما نمت

،بس كان يوم والله كل ما نفتكره انا وهو نضحك جامد

 ويقولى حرام عليكى ضيعتى فرحتنا
 
العروسة الرابعة

اول لما دخلنا الشقة المفروض بقى كنت البس قميص وروب

 وكلام من ده اللى مامتى كان محضراهم ليا علشان البسهم روحت طرداه بره

 وقفلت الباب وطلعت بيجامة ولبستها

ولما فتحت الباب كنت خايفه جدااااااا

مستغرب منى كان مستنى ان البسله قميص ،،،،،،،،،

 لدرجة انه كان هيتصل بمامتى الفجر علشان يشتكيلها منى

 ،،،،،،،،،،، بس الحمد لله عدت الليلة على خــــــــــــــــيـــــر

 ،،،،،،،،،،،،،،،،وتانى يوم الصباحة بقى لما الناس جات

 اخذ مامتى واشتكالها منى ،،،،،،، ومامتى زعقتلى قالتلى البسيله 




 

مدوناتي

تدعمه Blogger.

عن المدونة

جمالك سيدتى Copyleft © 2009 Blogger Template Designed by Bie Blogger Template
تعريب : Abed