رمضان على الابواب ولازم كلنا ناكل زبادى بعد السحور
جربى طريقتى
وان شاء الله مش هتشترى زبادى تانى
نغلى اللبن ونسيبه يبرد لغايه ما يبقى زى دمع العين
او بمعنى انك لوحطيتى صبعك فيه تستحملى لغاية ما تعدى 10
بعدين تجيبى معلقة زبادى وتدوبيها فى شوية لبن
وتضيفيهم على اللبن كله
وتقلبى لغاية ماتتاكدى ان الزبادى داب ف اللبن كله
بعدين تحطيه ف الكوبيات وتغطيه كويس جدا
وتحطيه فى مكان دافى لمدة 5 ساعات تقريبا
ولازم مكان دافى وبالهنا والشفاء
الحاجات اللى بتعمليه اللى تخلى الزبادى تبوظ منك
واللى بيخلى اللبن اغلبه ميه
ان اللبن بيبقى سخن اوى
وبكدة بيجلد او بيعمل زى الجبنة
ويبقى فيه مية كتيييير
ولو اللبن دافى
ما تسخنيش الفرن
انتى بس غطى الزبادى بفوطة كويس
واما يبقى طعمه مزز
يبقى انتى كترتى الخميرة بتاعته
ما تحطيش ازيد من معلقة زبادى كبيرة
