معظم
الرجاله للاسف عصبيين
وبيتنرفزوا من اقل موقف
ودا طبعا ممكن يكون طبيعه
فيهم
وضغوط الحياة والشغل والمسؤليه
ليها دخل كبير غير ان معظم الرجاله
معندهمش الطاقة اللى تخليهم يصبروا
ويتحكموا فى انفعالاتهم
طيب ياترى هنتعامل ازاى معاهم ما احنا
لو كل يوم هنبقى فى اختلاف ومشاكل
بسبب العصبيه يبقى احنا مش هنستقر ابدا
ولا هنشوف حياة كويسه فى بيوت
ازواجنا
شوفى ياقمر لما جوزك يكون من النوع العصبى
لاااااااااازم انتى تتعلمى ازاى
ترخى وتهدى
من الموضوع ومن العصبيه اللى بتشوفيها منه
حتى لو كنتى انتى
كمان من النوع العصبى
لازم تحاولى تتحكمى فى اعصابك
طيب ازاى هتواجهى عصبيه جوزك
انا هقولك
- بلاش تتكلمى مع جوزك فى امور ممكن
تزيد من
انفعاله يعنى انتى عارفه انها
هتضايقه فى اوقات معينه زى وقت رجوعه
من
الشغل ووقت ما تكونى عارفه انه
بيواجه مشكله معينه سواء فى شغله فى بيته
مع
اهله مع صحابه وهكذا لان انتى كدا
بتزيدى من الضغط عليه وتحكمه فى انفعاله
ورد فعله هيبقى ضعيف جدا فابعدى عن الشر
وغنيله
- بلاش تثيرى جوزك بمواقف تضايقه حتى
لو هو فى حالة مزاجيه كويسه
يعنى ايه
الكلام دا.. يعنى ياقمر مش تحاولى تجر
ى شكل بمعنى اصح مش تبقى قاعده معاه
فى امان الله وتخبطى كلمة عشان تغيظيه
او تخليه يغير عليكى مثلا او او لانه
طالما عصبى
هيطلع فيكى ومش هتعرفى تسكتيه
- لازم تعرفى يا قمر تسايسى جوزك وتهاوديه
يعنى على بلاطه خديه على اد عقله
بس
مش معنى كدا انك تمشى على المبدأ دا
فى كل حاجه طبعا لاء هيبقى وقت
عصبيته بس
يعنى اسمعى منه واسكتى كانك مسمعتيش حاجه
ولما يهدى
خااااااااااااالص تنسى انك اخدتيه
على اد عقله وتبدئى تعاتبيه بهدوء
- لازم تتعلمى ازاى تخلى جوزك ريلاكس
طول الوقت يعنى تبقى فاهمه كويس جوزك
بيحب ايه ومبيحبش ايه بحيث يكون جو البيت
بيقلل من عصبيته مش بيزيدها ودا
هينعكس عليكى
طيب احنا كدا اتعلمنا نواجه العصبيه فى التعامل وردود
الافعال
طيب ياترى احنا هنقللها ازاى ما هو مش معقول
هنعيش نصبر نصبر لغايه
ما ننفجر يعنى
شوفى ياقمر
فى مبدأ انا ماشيه عليه والحمد لله عامل معايا شغل جامد
اللى هو اييييييييييييه بقىىى
انى بنصح بشكل غير مباشر
يعنى ايه
مثلا ياقمر لو انتى بتربى طفل صغير وحبيتى تطلبى منه انه
ميشخبطش على الحيطة فى البيت
شوفى الفرق فى الاسلوب
**ياكذا كدا غلط متشخبطش على الحيطة
**ياكذا انا هجبلك حاجه حلوة لو مشخبطش على الحيطة
وهنا هتلاقى ان العند هيكون نتيجة للاسلوب الاول
والاقناع بالمكافأة فى الاسلوب التانى
طيب دا هتطبقيه مع الزوج العصبى ازااى
انك ياقمر مش على الفاضى والمليان تقوليله انت عصبى
لاء دا كدا بيزيد من عناده ومش هيحاول يصلح من نفسه
وهيزيد من عصبيته
لازم تقوليله ياحبيبى انا ملاحظة انك بدأت تبقى هادى ومتفاهم معايا
والمشاكل بينا قلت بكتيير ربنا يخليك ليا حتى لو الكلام دا محصلش
- صدقينى الاسلوب دا هيخليه يسعى يبقى كويس ويهدى من عصبيته
لانك بتديله
دافع انه يبقى كويس والكلمة دى مرة مع مرة منك صدقينى
والله بجد هتلاقى
ججوزك اتغير 180 درجة
وبدأ يصلح من نفسه اهم حاجه انك تصبرى عليه امدحى
فيييييييه باستمرار وشوفى النتيجة هترضيكى ان شاء الله
واخيرا حاولى تهدى جوزك تمامااا وقت عصبيته وتبقى حنينه
فى ردود افعالك
مش تاخديها بالمثل عصبيه قصادها عصبيه
لانك كدا بتزودى
المشاكل وبتديها حجم اكبر وبينعكس على علاقتكم
ببعض لغايه ما توصلوا لمرحلة
فتور وملل
