الثلاثاء، 5 يونيو 2012

طريقتى فى عمل الزبادى البيتى الرووووووعة






رمضان على الابواب ولازم كلنا ناكل زبادى بعد السحور

جربى طريقتى

وان شاء الله مش هتشترى زبادى تانى

 الطريقة  

نغلى اللبن ونسيبه يبرد لغايه ما يبقى زى دمع العين 

او بمعنى انك لو حطيتى صبعك فيه تستحملى لغاية ما تعدى 10 

بعدين تجيبى معلقة زبادى وتدوبيها فى شوية لبن وتضيفيهم على اللبن كله

وتقلبى لغاية ماتتاكدى ان الزبادى داب ف اللبن كله

او ممكن تضربيه فى الخلاط 

بعدين تحطيه ف الكوبيات وتغطيه كويس جدا وتحطيه فى مكان دافى لمدة 5 

ساعات تقريبا ولازم مكان دافى وبالهنا والشفاء
 
الحاجات اللى بتعمليه اللى تخلى الزبادى تبوظ منك

واللى بيخلى اللبن اغلبه ميه

ان اللبن بيبقى سخن اوى

وبكدة بيجبن او بيعمل زى الجبنة

ويبقى فيه مية كتيييير

ولو اللبن دافى

ما تسخنيش الفرن

انتى بس غطى الزبادى بفوطة كويس

واما يبقى طعمه مزز

يبقى انتى كترتى الخميرة بتاعته

ما تحطيش ازيد من معلقة زبادى كبيرة

ومن الخطا جدا انك تحطى كوبية الزبادى كله

دى خميرة ومعلقة واحدة كفاية

 

مدوناتي

يتم التشغيل بواسطة Blogger.

عن المدونة

جمالك سيدتى Copyleft © 2009 Blogger Template Designed by Bie Blogger Template
تعريب : Abed