شوفتوا الكلام اللى بيتقال علينا من جهاز زى ده لا راح ولا جه
وكله من اعدتكم ليل نهار عليه 
الرامات:
إلحقنا يامعلم بروسيسور هانفطس من الحر والواد مش بيرحم
................
البروسيسور:
الله يحرق الفيس واللي إخترع الفيس
ماهو طول ماهو قاعد هيء وميء مع دي ودي عمره ماهيزهق
....................
الكيبورد: كسر جسمي بصوابعه منه لله
...................
الماوس: أومال انا اقول إيه؟؟؟؟
ده كل ما يشوف بوست بتاع بنت يروح دايس على دماغ أهلى
عشان يعملها لايك
...............
الشاشة: شكلك وحش اوى ياماوس
.................
الماوس: خليكى انتى على جنب
ده كل ماتيجى صورة بنت حلوة ادامه بيبحلق فيكى وانتى ولا
بتفتحى بوئك
لو تكهربيه ونستريح أو تفرقعى فى وشه عشان يجيب لاب
ويعتقنا
...................
الويب كام:
أنا بأة اللى مكتوب عليا أبص فى الخلقة دى كل شوية
ده كل مابيفتح فيديو كول ببأة عايزة الف وشى النحية التانية
.................
المايك:
ولا صوته ياختى يالهووووى ده بيصدع اللى خلفونى
ده فاكرلى نفسه عبد الحليم حافظ
..................
المازر بورد:
محدش سامعلك حس يعنى ياهارد ده انت أس البلاوى كلها
....................
الهارد:
بس سيبونى فى حالى انا فيا اللى مكفينى
تدخلوا برتيشن فيا تحسوا انكم فى روتانا سينما
وبرتيشن تانى تحسوا انكم فى جامع
وبرتيشن تالت تحسوا انكم فى استاد
.................
السى دى روم:
ماتلومش إلا نفسك ياهارد
..................
الهارد
: وانا اعمل ايه يعنى؟
انا اللى بقدر عليه انى اعمله باد سيكتور كل فترة عشان
اسقطله ويندوز
تقوم تيجى على دماغك انت ويحط فيك السيديهاية
ويسطبها تانى ولاينوبنا غير اعادة التعريفات
................
الشاشة:
يلا ندعى كلنا على الروتر عشان يولع
ساعتها مش هيبأة فى نت ويرحمنا بأة
..............
الكيسة:
بس بس حرام عليكى
لو الروتر باظ هيروح يجيب يو إس بى مودم ويحطها فيا
خلينى شايلة الهم وساكتة
مش كفاية هارينى فلاشات
...................
الصب:
قلبى عندك ياختى
...............
الكيسة:
خليكى انتى فى الاغانى الهابطة اللى بيخليكى تغنيها
وانتى زى الجزمة
..................
الصب:
اوبااااا ليه الغلط ده بأة
.................
الشاشة:
بس بس اسكتوا انتم هتتخانقوا ولا ايه
اسكتوا أمه جاية يمكن تقومه يذاكر
شوفتوا بأة واحنا اللى فاكرنه اّلة
