كل سنة وانتم طيبين رمضان على الابواب
واحسن واجمل حلويات رمضان هى
الكنافة
ودايما الشكوى بتبقى انك مش بتعرفى تعملى كنافة
هقولك بقى على تكات صغيرة وعن تجربة شخصية ليا
هتخلى كنافتك احلى واطعم كنافة
اول حاجة
لازم الكنافة نحطها فى الفريزر حوالى ساعة وزيادة
انا باشتريها واسيبها فى التلاجة براحتها خاااااااالص
يوم اتنين مفيش مشكلة
علشان لما تتجمد يبقى سهل جدا جدا تقطيعها
ونتقطعها كويس
وبعدين نجيب معلقة صغيرة قرفة
ونقلبها كويس جدا مع الكنافة
ودى بقى بتدى طعم تحفة للكنافة
واللى مش بتحب القرفة زى حالتى
مش حتسى بطعمها
لا دى مع الكنافة بيبقى طعم تانى
وبعدين نحط عليها السمنة السايحة ونقلبها كويس جداجدا
لغاية ما نحس ان كل الكنافة اتشربت السمنة
الحشوات المختلفة
نيجى بقى للحشوة
اغلبنا بيحشى مكسرات اى كان نوعها
لكن الكنافة بالكسترد
بتبقى خرافة وطعم لذيذ
بس الكسترد لازم يبقى تخين علشان يمسك فى النص
ويكون بارد
وكمان الحشو بالمهلبية
كنافة بالمهلبية
وطبعا تبقى تخينة
والشربات بتاع الحشو بالكسترد او المهلبية
يبقى سكر خفيف
وممكن لو هتحشى بالمكسرات اللى تحبيها تقلبى معاه عادى حوالى نص معلقة قرفة
هتديها ريحة وطعم خراااااافة
وممكن تعمليها طبقتين وتحشيها كريم شانتيه
بس هتحطى الحشو بعد ما تسقيها شربات
ودرجة حرارة الفرن بتبقى وسط
او تقريبا 180
علشان تستوى من النص
والشربات لو بارد يبقى الكنافة سخنة
او الكنافة باردة والشربات سخن
علشان ما تبقاش عجينة وطرى اوى
وبالهنا والشفا احلى صينيه كنافة
