هوريكم اللى انا بعمله بعد الشاور عشان ابقى نظيفة وجميلة وفلة
هناخد شاور سريع كدة بالليفة بتاعتنا والصابونة بتاعتنا
انا عن نفسى بستعمل صابونة ديتول جميلة جدا وممتازة وبعمل شعرى بسانسيلك
بس طبعا فى ناس مبتحبش تعمل شعرها الصبح فممكن تحطى بونيه عشان شعرك ميتبلش
وبعدين بنشف جسمى وبعمل الصابونة المغربية بدلك الصابونة المغربية على جسمى كله لمدة 3 دقايق وبعد كدة اشطف جسمى تانى هتلاقى فى فرق
ملحوظة : استعملى اى صابونة مغربية مش لازم اللى انا حطاها لان فى منتجات من السعودية مش موجودة فى مصر
وبعد كدة بلبس الفوطة على جسمى وبعمل حمام كريم على شعرى
وبدلكه كويس على فروة شعرى وبسيبه 10 دقايق طبعا مش هعد فى الحمام فاضية كدة
عقبال ما العشر دقايق يعدو بغسل اسنانى ودى حاجة مهمة جدا عشان ابتسامتنا تكون حلوة
وبلاحظ ان فى ناس كتير مش بيغسلو سنانهم وده غلط طبعا
انا بستعمل كرست والمسواك طبعا ميتنساش وده سنة من رسول الله صلى الله عليه وسلم
وطبعا فرشة الاسنان كولجات المعروفة ودى احسن نوع من الفرش
بعد كدة يكون حمام الكريم عمل فى العشر دقايق دوول بعد كدة
تغسلى شعرك كويس وتلفيه فى فوطة دافية وانا بحط لوش للجسم على جسمى وبدلكه كويس
وبعد كدة اكيد مش هننسى البودرة لتعطير الجسم
وانا بحطها على ايديا ورجليا والمنطقة تحت الصدر بتلديك دائرى
ومش هننسا طبعا مزيل العرق بتاعنا نحطه تحت الابط
انا بستعمل ريكسونا ولادى سبيد
وبعد كدة بلبس هدومى طبعا الملابس القطنية لازم تكون قطن
ومننساش غسول اليد والمناديل المبللة والفوطة الصحية
(اولويز او اى نوع مرتحاله) كل دول فى الشنطة عشان منتعرضش لاى موقف مش لطيف
ومننساش نحط ميكب خفيف وحبيبتنا لونا على الشفاه بحطها قبل ما انام وقبل مانزل
جميلة اوى انا بحط اللى بالفراولة
وبكدة تكونى فلة شمعة منورة
ومقولكيش الحمدلله مش هتشمى اى ريحة خالص وهتكونى نظيفة مية بالمية وانا بعمل كدة واسألو مجربة
ومتنيش بقا عملى غسول الوجه لازالة الميكب لما تيجى من النزولة
